प्रदेश नं. २ सरकार : ११ महिनामा १० अर्ब ६५ करोड मात्रै खर्च

 

प्रदेश नं. २ सरकार : ११ महिनामा १० अर्ब ६५ करोड मात्रै खर्च

२०७८ असार ९ बुधवार, जनकपुरधाम ( प्रदेश नं. २ )

चालु आर्थिक वर्षको ११ महिनामा प्रदेश नम्वर २ सरकारले आफ्नो चालु वजेटको ३१.४७ प्रतिशत रकम मात्रै खर्च गरेको छ। गत साउनदेखि जेठ महिनासम्ममा चालुतर्फ ३४.९ प्रतिशत खर्च भएको छ भने पुँजीगततर्फ २९.२३ प्रतिशत बजेट खर्च भएको छ ।
प्रदेश लेखा नियन्त्रक कार्यालयका अनुसार प्रदेश सरकारले आर्थिक वर्ष २०७७र७८ को ११ महिनामा १० अर्ब ६५ करोड ५७ लाख रुपैयाँ खर्च गरेको छ ।
चालुतर्फ १३ अर्ब ३३ करोड ६९ लाख १६ हजार रुपैयाँ विनियोजन गरेकोमा ११ महिनाको अवधिमा ४ अर्ब ९६ करोड ९२ लाख अर्थात ३४.९ प्रतिशत खर्च गर्न सकेको छ।
यस्तै पुँजीगततर्फ १९ अर्ब १९ करोड ८ लाख १८ हजार रुपैयाँ विनियोजन गरिएकोमा प्रदेश सरकारले ५ अर्ब ६८ करोड ६५ लाख अर्थात २९.२३ प्रतिशत मात्र खर्च गर्न सकेको प्रदेश लेखा नियन्त्रक कार्यालयले जनाएको छ ।